ચાલો રે બેની ગરબે રમિયે

ચાલો રે બેની મારી ગરબે રમિયે

તાળી   વગાડતાં  ગરબે  ઘૂમિયે

 

ચાલો રે બેની મારી ગરબે રમિયે

તાળી   વગાડતાં  ગરબે  ઘૂમિયે

 

આભલાં જડેલ મારા ચણિયાની કોર

ઓઢણીમાં ચિતર્યાં છે ઢેલ અને મોર

ઘમ્મર ઘમ  ઘૂમતાં ગરબે રમિયે

તાળી   વગાડતાં  ગરબે  ઘૂમિયે

 

ઢોલક મંજિરા  ને  બંસી  વાગે

ગરબો અમે ગાઈએ મીઠા રાગે

 

વાંકા વળીને       ગરબે  રમિયે

તાળી   વગાડતાં  ગરબે  ઘૂમિયે

 

શરદ પૂનમની  છે રઢિયાળી રાત

ચાંદા સાથે કરતાં તારલિયા વાત

મુખડું  મલકાવતાં ગરબે  રમિયે

તાળી   વગાડતાં  ગરબે  ઘૂમિયે

 

ચાલો રે બેની મારી ગરબે રમિયે

તાળી   વગાડતાં  ગરબે  ઘૂમિયે