કાનુડો દાણ માગે

કાનુડો દાણ માગે 

દાણ માગે કાનુડો દાણ માગે
તારી મીઠી બોલીમાં બન વાગે … કાનુડો
કાન ક્યા મુલકનો સુબો
મારા મારગ વચમાં ઉભો … કાનુડો
કાન ક્યા મુલકનો દાણી
મારી નવરંગ ચુંદડી તાણી … કાનુડો
કાન ક્યાં મુલકનો મહેતો
મારા મારગ વચ્ચે રહેતો … કાનુડો
કાન જળ જમુનાજી ને આરે
એમાં કોણ જીતે કોણ હારે … કાનુડો
કાન નથી સાકાર નથી મેવા
ખાટી છાશમાં શું આવ્યો લેવા … કાનુડો
દાસ માધવદાસ ના સ્વામી
હું તો જાઉં તમ પર વારી … કાનુડો